देशमा पछिल्लो २४ घण्टामा थप १२ हजार तीन सय ३८ जनामा कोरोना भाइरसको सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार २१ हजार सात जनाको पीसीआर परीक्षण गर्दा १० हजार ५२ र ६ हजार चार सय ९० नमुनाको एन्टिजेन परीक्षण गर्दा दुई हजार दुई सय ८६ जना गरी १२ हजार तीन सय ३८ जनामा कोरोना सङ्क्रमण पुष्टि भएको हो ।
यो एकै दिनमा पुष्टि भएको हालसम्मकै सबभन्दा धेरै सङ्क्रिमत सङ्ख्या हो ।
त्यस्तै, सोहि अवधीमा कोरोना सङ्क्रमणबाट चार जनाको मृत्यु भएको छ भने ६ सय ४९ जना सङ्क्रमणबाट मुक्त भएका छन् ।
