विराटनगर महानगरपालिकास्थित कोसी अस्पतालमा कार्यरत ७५ जना कर्मचारीलाई कोरोना सङ्क्रमण पुष्टि भएको छ ।
बुधबार साँझसम्म अस्पतालमा कार्यरत ७५ कर्मचारीमा कोरोना पुष्टि भएको अस्पतालका मेडिकल सुपरिटेन्डेन्ट डाक्टर चुमनलाल दासले शब्द एक्सप्रेसलाई जानकारी दिए ।
उनका अनुसार ११ जना डाक्टर, २७ जना नर्स, १३ जना परामेडिक्स, दुई जना कार्यालय सहयोगी र २२ जना सफाइ कर्मचारी गरी ७५ जनामा सङ्क्रमण देखिएको हो ।
कोसी अस्पतालमा हाल करिब ९० डाक्टरसहित पाँच सय ५० कर्मचारी कार्यरत छन् ।
यता, कोसी अस्पतालले सञ्चालन गरिरहको कोसी कोभिड अस्पतालमा भने १४ सङ्क्रमित उपचारत रहेको मेसु दासले जानकारी दिए ।
यो पनि :
कोसी अस्पतालका ९६ जना कर्मचारीमा कोरोना सङ्क्रमण, दुई विभाग बन्द हुँदै
