चर्चित अभिनेता अनमोल केसीले होम प्रोडक्सनको नयाँ फिल्म ‘पारस’ को तयारी सुरु गरेका छन् ।
‘एक्स ९: लेभल वान’ को छायाङ्कन धकेलिएपछि अनमोल ‘पारस’को तयारीमा लागेका हुन् ।
पारसको छायाङ्कन फागुनबाट थाल्ने तयारी रहेको निर्मता भुवन केसीले जानकारी दिएका छन् ।
‘एक्स ९’ को छायाङ्कन बैशाखपछि मात्र सुरु हुने भएको छ ।
फिल्मका निर्देशक मुकुन्द भट्टले कोरोना सङ्क्रमणको तेस्रो लहर र विदेशमा छायङ्कनका लागि कलाकारको भिसा प्रक्रियामा समय लाग्ने भएकाले छायाङ्कन सम्भव नभएको जानकारी दिएका हुन् ।
फागुन १३ गते आफू निर्देशित ‘लप्पन छप्पन २’ को रिलिज भएकाले पनि ‘एक्स ९’ को छायांकन धकेल्नु परेको उनले बताए ।
‘एक्स ९’को छायाङ्कन धकेलिएपछि आफूले नै अनमोललाई पहिला पारस गर्न अनुमति दिएको उनको भनाइ छ ।
फिल्ममा सौगात मल्ल, अनमोल केसी, पुष्प खड्का र राज कटुवालको मुख्य भुमिका रहेछ ।
एक्सनको तालिम समेत लिँदै आएका चारै जना कलाकारले फिल्मका लागि तौल बढाउनुका साथै शरीर सुगठित बनाएका छन् ।
