नेपाली अभिनेत्री स्वस्तिमा खड्काको अभिनय रहेको दक्षिण भारतीय फिल्म ‘थिरीमाली’ को ट्रेलर सार्वजनिक भएको छ ।
बिहीबार युटटुबमार्फत सार्वजनिक गरिएको सो ट्रेलरमा स्वस्तिमाको ‘आइटम डान्स’ का केही झलकहरू देखाइएको छ । राताे पहिरनमा खुलेकी उनलाई बाेल्ड अवतारमा प्रस्तुत गरिएकाे छ । उनकाे भूमिका के हुन्छ भन्नेबारे हालसम्म केही सार्वजनिक गरिएकाे छैन ।
काठमाडाैं, लुक्ला र पाेखराकाे दृश्य समेटिएकाे फिल्मकाे ट्रेलरमा नेपालका अर्का अभिनेता माओत्से गुरुङ पनि अटाएका छन् ।
गुरुङकाे बारे कतै लेखिए पनि आइएमडिबीले थिरिमालीका मुख्य कलाकारको सूचीमा खड्काको नाम उल्लेख गरेकाले फिल्ममा खड्का मुख्य भूमिकामा रहेकाे अनुमान गर्न सकिन्छ ।
यो फिल्मको ट्रेलर मलयालम भाषामा मात्र सार्वजनिक गरिएकाे छ तर फिल्म मलयालमबाहेक हिन्दी, तेलेगू र तामिल भाषामा २०२२ मै रिलिज हुनेछ ।
फिल्मका निर्माता एसके लरेन्स हुन् भने राजीव शेट्टीले फिल्म निर्देशन गरेका हुन् । फिल्ममा मलयालम फिल्म उद्योगका चर्चित अभिनेता बिबिन जर्ज, जोनी एन्टोनी र धर्मजान बोलगट्टीको अभिनय रहेकाे छ ।
कमेडी जनरामा बनेकाे याे फिल्म जेभियर एलेक्स र राजीव शेट्टीले लेखेका हुन् ।
हेर्नुस् ‘थिरीमाली’ को ट्रेलरबाट स्क्रिनसट गरिएका केही तस्बिरहरूः
