नेपालमै पहिलोपटक बास्केटबलको फ्रेन्चाइज लिग हुने भएको छ । नेपाल बास्केटबल सङ्घ र टर्नपाइकको संयुक्त आयोजनामा पहिलो पटक फ्रेन्चाइज बास्केटबल लिग हुने भएको हो ।
सङ्घले मङ्गलबार विज्ञप्ती जारी गर्दै नेपालमा पहिलो पटक राष्ट्रियस्तरको फ्रेन्चाइज नेसनल बास्केटबल लिग गनै लागेको उल्लेख गरेको छ ।
लिमगा आठवटा फ्रेन्चाइज क्लबले प्रतिस्पर्धा गर्ने पनि सङ्घले जनाएको छ । बास्केटबल खेलको विकास र खेलाडी उत्पादनका लागि लिग महत्त्वपूर्ण थलो बन्नेसमेत सङ्घले जनाएको छ ।
लिगमा उत्कृष्ट प्रदर्शन गर्ने खेलाडीलाई अन्तर्राष्ट्रिय स्तरमा नेपालको प्रतिनिधित्व गराइने छ । सङ्घले लिगको मिति भने सार्वजनिक गरेको छैन ।
