संसदीय समितिका सभापतिहरूमा मनोनयन दर्ता हुने दिनअघि रणनीति तय गर्न बैठक बोलाइएको हो। गत चैत २७ गते प्रतिनिधि सभा ले विषयगत समितिमा रहने सदस्यहरू चयन गरेको थियो।सोही दिन सभामुख डोलप्रसाद अर्यालले संसदीय समितिका सभापतिहरूको निर्वाचनका लागि मिति तय गरेका थिए। यसअनुसार बिहीबार मनोनयन दर्ता र शुक्रबार निर्वाचन हुने कार्यक्रम छ।
संघीय संसद् अन्तर्गत कुल १६ वटा संसदीय समिति छन्, जसमा प्रतिनिधिसभाका १०, राष्ट्रिय सभाका ४ र २ वटा संयुक्त समिति रहेका छन्। राष्ट्रिय सभातर्फका समितिका सभापतिहरूको निर्वाचन भइसकेको छ भने प्रतिनिधिसभा र संयुक्त समितिहरूको चयन प्रक्रिया जारी रहेको छ।
