विराटनगर । विराटनगर महानगरपालिका-३ स्थित बाल सुधार गृहमा बुधबार झडप हुँदा एक जना प्रहरी घाइते भएका छन् ।
बाल सुधारगृहमा बस्दै आएका बाल बिझ्याइँकर्ताहरुको समूह हुल बाँधेर बाहिर निस्किन खोजेपछि सुरक्षामा खटिएका सुरक्षाकर्मीसँग झडप भएको हो ।
झडपमा नेपाल प्रहरीका एक जना वरिष्ठ प्रहरी हवल्दार हिरणकुमार मण्डल घाइते भएका छन् भने अर्का एक जना कर्मचारी पनि घाइते भएको प्रहरीले जनाएको छ ।
झपडपछि सुधारगृहबाट ठूलो सङ्ख्यामा बिझ्याइँकर्ताहरु बाहिर निस्किएको र केही फर्केको बताइएको छ ।
अहिले सुधारगृह प्रहरीले नियन्त्रणमा लिएको छ ।
सुधार गृहमा थप घटना हुन नदिनका लागि थप प्रहरी परिचालन गरिएको छ । के कति बालक छन् त्यसको गणना गर्ने काम भइरहेको मोरङ प्रहरीका प्रमुख एसपी नारायणप्रसाद चिमरियाले जानकारी दिए ।
सुधारगृहमा २०० भन्दा बढी बालक रहेको बताइएको छ ।
