ताप्लेजुङमा जबरजस्ती करणी (बलात्कार) का घटना वृद्धि भएको पाइएको छ ।
प्रहरीका अनुसार पछिल्लो समय जबरजस्ती करणी तथा करणीजन्य घटना वृद्धि भएको पाइएको हो ।
जिल्ला प्रहरी कार्यालय ताप्लेजुङको तथ्यांकअनुसार पछिल्लो तीन वर्षको तथ्यांकलाई हेर्दा वर्षेनि जबरजस्ती करणीजन्य घटना बढेको पाइएको छ ।
गएको आर्थिक वर्ष २०८१/८२ मा मात्र जबरजस्तीजन्य २६ वटा घटना भएका छन् । उक्त संख्यामध्ये जबरजस्ती करणीका २१ र करणी उद्योगका पाँच वटा घटना भएको प्रहरी निरीक्षक विवेक बस्नेतले जानकारी दिए ।
जिल्ला प्रहरी कार्यालयका सूचना अधिकारीसमेत रहेका बस्नेतका अनुसार जबरजस्ती करणी घटनामा ४० वर्ष उमेर नाघेका महिलादेखि नाबालिकासम्म पीडित छन् ।
अघिल्लो दई आव २०८०÷८१ र २०७९/८० मा १६–१६ वटा जबरजस्ती करणीका घटना भएका छन् ।
उक्त आवहरुमा पनि महिला र नाबालिकासम्म जबरजस्ती करणी घटनामा पीडित भएको प्रहरी निरीक्षक बस्नेतले जानकारी दिए ।
