विराटनगर । विराटनगर महानगरपालिका-२ तीनपैनीमा अवस्थित बूढानीलकण्ठ सेकेन्डरी इंग्लिस बोर्डिङ स्कुलले टेबलटेनिस प्रतियोगितामा उत्कृष्ट प्रदर्शन गरेको छ ।
विराटनगर टेबलटेनिस क्लबले फागुन ८ र ९ गते आयोजना गरेको अन्तर स्कुल टेनिस प्रतियोगितामा बूढानीलकण्ठले ऐतिहासिक पदक जितेको हो ।
स्कुलका प्रिन्सिपल मणिराज भट्टराईका अनुसार बूढानीलकण्ठका विद्यार्थीहरूले प्रतियोगिताका केही विधामा ‘क्लिन स्विप’ समेत गरेका छन् ।
‘सब जुनियर ब्वाइज सिंगलतर्फ आदर्श राजवंशीले स्वर्ण, रोशन रजकले रजत र रिजन पाण्डे तथा आयान श्रेष्ठले कांस्य पदक जितेका छन् ।
यसैगरी, ‘सब जुनियर’ कै छात्रातर्फ मान्सी तामाङले रजत पदक जितेकी छन् ।
जुनियर ब्वाइज सिंगलमा रूपेश श्रेष्ठले कांस्य पदक जित्दा मिनी केडेट ब्वाइज सिंगलमा आभास लामिछानेले स्वर्ण जितेका छन् ।
विजेता खेलाडीहरूलाई सोमबार स्कुल परिसरमा प्रमाणपत्र र मेडल प्रदान गरिएको थियो ।
उनीहरूलाई खेलकुद विकास बोर्ड, कोशी प्रदेशका सदस्य सचिव कृष्ण बस्नेत ‘पर्शुराम’, बोर्डकी सदस्य थलु राजभण्डारी र प्रिन्सिपल भट्टराईले प्रमाणपत्र र मेडलका साथ सम्मान गरेका थिए ।
