विराटनगर । हाल प्रदर्शन भइरहेको नेपाली चलचित्र ‘रंगेली’ अब भारतमा हिन्दी भाषामा पनि प्रदर्शन हुने भएको छ ।
निर्देशक अर्जुन सुवेदीका अनुसार युसुफ सेखको नेतृत्वमा रहेको भारतको वितरण कम्पनी एन मुभिज र जनता सिनेमाले भारत वितरणका लागि अधिकार लिएको छ ।
चलचित्र भारतका करिब एक सय स्क्रिनमा प्रदर्शन हुने कार्यकारी निर्माता जितेन्द्र खतिवडाले बताए ।
हाल यसको हिन्दी अनुवादको काम भइरहेको र छिट्टै भारतमा प्रदर्शन हुने मिति सार्वजनिक गरिने पनि बताइएको छ ।
रंगेलीको हिन्दी डबिङको सबै काम मुम्बईमा हुने छ ।
यो चलचित्र अमेरिकामा हाउसफुल दर्शकबाट प्रदर्शनको सुरुवात भएको निर्देशक सुवेदीले बताए ।
त्यस्तै क्यानडा, जापान, कोरिया, मलेसिया, दुबई, कतार, बहराइन, साउदी र ओमनमा पनि चलचित्र प्रदर्शन गरिने बताइएको छ ।
