नेपाली राष्ट्रिय फुटबल टिमले पहिलो मैत्रीपूर्ण खेलमा अहिले अफ्रिकी राष्ट्र मरिसससँग प्रतिस्पर्धा गरिरहेको छ ।
त्रिपुरेश्वरस्थित दशरथ रङ्गशालामा जारी खेलमा नेपालले १-० गोलको अग्रता बनाएको छ ।
खेलको ५५औँ मिनेटमा स्ट्राइकर विमल घर्तीमगरले गोल गर्दै नेपाललाई अग्रता दिलाएका हुन् ।
विमल मुख्य प्रशिक्षक अब्दुल्लाह अलमुताइरीको टिममा पहिलो पटक परेका हुन् ।
अफ्रिकी मुलुक मोरिससविरुद्धको पहिलो मैत्रीपूर्ण खेलको पहिलो रोजाइमै पर्न सफल २३ वर्षीय विमलले सन् २०१९ यता पहिलो पटक राष्ट्रिय टोलीमा पुनरागमन गरेका छन् ।
उनले पछिल्लो पटक ७ नोभेक्बर २०१९ मा म्यानमारविरुद्ध खेलेका थिए ।
अन्तर्राष्ट्रिय मैत्रीपूर्ण खेलमा नेपाल घरेलु टोली म्यानमारसँग ३–० गोलले पराजित भएको थियो ।
त्यसपछि चोट बोकेका विमल लामो समय मैदानबाहिर थिए ।
फेरि अनुशासन उल्लङ्घनको कारवाहीमा परेपछि उनले राष्ट्रिय टिममा खेल्न पाएका थिएनन् ।
दुई वर्षपछि उनी यसै वर्ष सहिद स्मारक ‘ए’ डिभिजन लिगमा जावलाखेल युथ क्लबविरुद्ध खेल्दै मैदान फर्किएका थिए ।
पुनरागमनको पहिलो खेलमै गोल गरेपछि दर्शकले उभिएर उनलाई साथ दिएका थिए ।
पछिल्लो पटक उनले ब्रिगेड ब्वाइजविरुद्ध दुई गोल र एक असिस्ट गरेका थिए, उनले ।
र, अब पुनः उनी राष्ट्रिय टोलीबाट गोल गर्ने र टिमलाई जिताउने लक्ष्यका साथ मैदान फर्किएका छन् ।
