भारतबाट बाहिर जाने र अन्य मुलुकबाट आउने अन्तर्राष्ट्रिय उडान स्थगित भएको भारतीय उड्डयन अधिकारीहरूले जानकारी दिएका छन् ।
नागरिक उड्डयन महानिर्देशनालय (डीजीसीए) ले जनाएअनुसार भारतबाट विदेश जाने र विदेशबाट आउने अन्तर्राष्ट्रिय वाणिज्य यात्रु सेवालाई फेब्रुअरी २८ को राति १२ बजेसम्मका लागि प्रतिबन्ध गर्ने निर्णय गरिएको हो ।
डीजीसीएले तोकेरै स्वीकृत गरेको अन्तर्राष्ट्रिय कार्गो सञ्चालन तथा उडानका लागि यो प्रतिबन्ध लागू नहुने जनाइएको छ ।
यसअघि पनि बढ्दो कोभिड सङ्क्रमणलाई नियन्त्रण गर्नका लागि भारतले मार्च २०२० को अन्त्यतिर राष्ट्रव्यापी लकडाउन गर्नुका साथै अन्तराष्ट्रिय तथा राष्ट्रिय उडानहरू स्थगित गरेको थियो ।
