कोभिड–१९ सङ्क्रमण जोखिमका कारण मुलुकका अरू विधाजस्तै खेलकुद क्षेत्र पनि प्रभावित बनिरहेको छ ।
कोरोना सङ्क्रमणबाट जोेगिन अरू क्षेत्रमा जस्तै खेलकुद क्षेत्रमा पनि सतर्कता अपनाउनु जरुरी देखिएको छ ।
यसैैकारण प्रधानमन्त्री (पिएम) कप टी–ट्वान्टी क्रिकेट प्रतियोगिताअन्तर्गत मङ्गलबार भइरहेको दोस्रो सेमिफाइनल खेलमा अधिकांश क्रिकेटर मास्क लगाएर मैदान उत्रिएका छन् ।
कीर्तिपूरस्थित त्रिभुवन विश्वविद्यालयको मैदानमा जारी खेलमा कोरोना सङ्क्रमणबाट बच्न प्रायः खेलाडीले मास्क लगाएर खेलिरहेका छन् ।
दोस्रो सेमिफाइनलमा मात्र नभएर पहिलो सेमिफाइनल खेलमा पनि खेलाडीलाई मास्क लगाएर खेलिरहेको देख्न सकिन्थ्यो ।
त्यसअघिका खेलहरूमा पनि खेलाडी मास्कमा देखिएका थिए । ‘प्लेयर अफ द म्याच’ बनेका खेलाडी, खेलका दाैरान मैदानमा पानी पुर्याउन आएका खेलाडी र जितपछि खुशी साट्न भेला भएका खेलाडीहरु पनि मास्कमा देखिन्थे ।
काेभिड संक्रमणबाट बच्न नेपाल सरकारले सबैलाई सर्तक रहन आग्रह गरिरहेकाे अवस्थामा खेल खेलिरहेका खेलाडीले समेत मास्ककाे प्रयाेग गर्नुले हालकाे अवस्थामा मास्क कति आवश्यक छ भन्ने पुष्टि गर्छ ।
हेर्नुस् तस्बिर:
