काठमाडौँमा जारी प्रधानमन्त्ती कप (पिएम) राष्ट्रिय क्रिकेट प्रतियोगितको दोस्रो सेमिफाइनलमा एपिएफ क्लबले त्रिभुवन आर्मीलाई दुई सय ३१ रनको विशाल लक्ष्य दिएको छ ।
कीर्तिपुरस्थित टीयु क्रिकेट रङ्गशालमा भइरहेको खेलमा टस हार्दै पहिले ब्याटिङको निम्तो पाएको एपिएका तीन खेलाडी अर्धशतक बनाउन सपल भएसँगै आर्मीविरुद्ध उच्च स्कोर खडा भएको हो ।
एपिएफका लागि ओपनर आशिफ शेखले सर्वाधिक ८४ रन जोडे । विक्रम शोवबाट क्याच आउट हुनुअघि सेखले ४३ बलमा पाँच छक्का र चार चौकाको मद्दतमा ४३ बललै ८४ रन बनाउन सफल भए ।
उनीसँगै ब्याटिङका लागि आएका ओपनर प्रदीप ऐरी ५७ रनमा अविजित रहँदा चौथो नम्बरमा ब्याटिङका लागि आएका लोकेश बम पनि ६६ रनमा अविजित रहे ।
यी तीनबाहेक एपिएफका लागि कप्तान शरद भेषवाकारले नौ रन जोड्दा अतिरिक्त १४ रन पाएको थियो ।
