विराटनगर । विराटनगर जुनियर जेसिजको निर्वाचन तथा पदस्थापना कार्यक्रम सम्पन्न भएको छ। जेसीज भवन, विराटनगरमा शनिबार सम्पन्न निर्वाचनबाट संस्थाको नयाँ नेतृत्व चयन गरिएको हो। निर्वाचन परिणामअनुसार जुनियर जेसी ओम जोगी अध्यक्षमा निर्वाचित हुनुभएको छ।
उपाध्यक्ष पदमा जुनियर जेसी निशान्त भट्टराई, सुहानी श्रेष्ठ, आदर्श आचार्य र रुकुल अमात्य चयन हुनुभएको छ। कार्यकारी उपाध्यक्षमा जुनियर जेसी सम्युक्ता कोइराला, आरोग्य कोइराला र आदित्य कोइराला निर्वाचित हुनुभएको छ। पब्लिक रिलेसन अफिसर पदको जिम्मेवारी जुनियर जेसी प्रतिज्ञा अधिकारीले पाउनुभएको छ भने महासचिवमा जुनियर जेसी रक्षिता तिम्सिना र कोषाध्यक्षमा जुनियर जेसी श्रीजेश कट्टेल चयन हुनुभएको छ। यस्तै, कानुनी सल्लाहकारमा जुनियर जेसी आरभी तिम्सिना तथा तालिम निर्देशकमा जुनियर जेसी मदन नेपाल निर्वाचित हुनुभएको छ।
यसै अवसरमा शनिबार नै पदस्थापना तथा पुरस्कार वितरण समारोह पनि सम्पन्न भएको छ। समारोहका प्रमुख अतिथि विराटनगर जेसीजका अध्यक्ष २०२६ कविराज दाहाल तथा विशेष अतिथिका रूपमा संस्थापक अध्यक्ष डा. सन्देशदास श्रेष्ठ सहभागी हुनुहुन्थ्यो।
कार्यक्रममा गणेश–जमुना पुरस्कार (वर्ष उत्कृष्ट पर्यवेक्षक) जुनियर जेसी याल्जिना थापालाई प्रदान गरिएको थियो। उत्कृष्ट बोर्ड सदस्यको उपाधि जुनियर जेसी ओम जोगीले प्राप्त गर्नुभयो भने उत्कृष्ट कार्यक्रम संयोजकमा जुनियर जेसी रुकुल अमात्य चयन हुनुभयो।
त्यसैगरी, वर्ष उत्कृष्ट सदस्यको उपाधि जुनियर जेसी निशान्त भट्टराई उपाध्यायले प्राप्त गर्नुभयो भने २०२५ को उत्कृष्ट ककसका रूपमा जुनियर जेसी सुहानी श्रेष्ठ घोषित हुनुभयो। समारोहमा विभिन्न जेसीज तथा जुनियर जेसिजका वर्तमान तथा पूर्व अध्यक्षहरूलाई सम्मानस्वरूप मायाको चिनो प्रदान गरिएको थियो।
