विराटनगर । विराटनगरमा टिपरको ठक्करबाट एक जनाको मृत्यु भएको छ । दुर्घटनालगत्तै आक्रोशित भिडले टिपरमा आगजनी गरेका छन् ।
सोमबार साँझ विराटनगर महानगरपालिका–२ तीनपैनीमामा पश्चिमबाट पूर्वतर्फ जाँदै गरेको प्रदेश १–०२–००१ क ४५१४ नम्बरको टिपरले सोही दिशातर्फ जाँदै गरेको को २७ प ८५३४ नम्बरको स्कुटरलाई पछाडिबाट ठक्कर दिएको थियो ।
ठक्करबाट स्कुटर चालक मोरङको कटहरी गाउँपालिका–१ जमकोटीका ७६ वर्षीय सुदीशनारायण झाको घटनास्थलमै मृत्यु भएको जिल्ला ट्राफिक प्रहरी कार्यालय मोरङले जनाएको छ ।
दुर्घटनापछि आक्रोशित भिडले टिपरमा आगो लगाइदिएका हुन् । दुर्घटनापछि आक्रोशित भिडले टिपरमा आगजनी गरेका थिए । टिपरमा आगजनी गरेको आरोपमा प्रहरीले चार जनालाई नियन्त्रणमा लिएको छ ।
साथै, भिडलाई उक्साउन उद्दत भएको भन्दै प्रहरीले अन्य चार जनालाई नियन्त्रणमा लिएको छ ।
यसैगरी, टिपर चालक मोरङको ग्रामथान गाउँपालिका–७ का ३१ वर्षीय सजन चौधरीलाई प्रहरीले नियन्त्रणमा लिएको छ ।
