विराटनगर । कोशी प्रदेशको राजधानी विराटनगरमा रहेको बाल संसार बोर्डिङ स्कुलले १०औं वार्षिकोत्सव तथा अभिभावक दिवस मनाएको छ ।
विराटनगर महानगरपालिका-५ मा अवस्थित बालसंसारले विराटनगरको गुरुकुल नाटकघरमा एक कार्यक्रम आयोजना गरी आफ्नो वार्षिकोत्सव तथा अभिभावक दिवस मनाएको हो ।
कार्यक्रममा कक्षा नर्सरीदेखि ५ सम्मका विद्यार्थीले नृत्य, कथा तथा विभिन्न खेल कौशलहरू प्रस्तुत गरेर उपस्थित अतिथि, शिक्षक र अभिभावकलाई अचम्मित पारेका थिए ।
कार्यक्रममा स्कुलका हरेक विद्यार्थीले प्रस्तुति देखाएका थिए ।
अभिभावकको मायाकै कारण स्कुल प्रगति गर्न सफल भएको प्रिन्सिपल खड्ग राईले बताए । बाल संसारका विद्यार्थी अध्ययनसँगै अतिरिक्त क्रियाकलापमा पनि अगाडी रहेको उनले बताए ।
विराटनगर ५ का वडाध्यक्ष सन्तोष न्यौपानेले बाल संसारको पठन पाठनसँगै अतिरिक्त क्रियाकलाप राम्रो रहेको बताए ।
बालबालिकालाई अध्ययनसँगै अतिरिक्त क्रियाकलापमा पनि अब्बल बनाउन आवस्यक रहेको बताए । वडा कार्यालयले विद्यालयहरुलाई अध्ययनसँगै अतिरिक्त क्रियाकलापमा जोड दिन आग्रह गरिएको उनले बताए ।
कार्यक्रममा प्याब्सन विराटनगरका अध्यक्ष अर्जुन श्रेष्ठ, कोषाध्यक्ष अशोक लामालगायत विभिन्न स्कुलहरुका प्रमुख तथा प्रतिनिधिहरु लगायतको सहभागिता रहेको थियो ।
