विराटनगर । प्रेस सेन्टर नेपाल मोरङको पाँचौ जिल्ला अधिवेशनबाट नवनिर्वाचित कार्यसमितिको पदस्थापन तथा वनभोज कार्यक्रम सम्पन्न भएको छ ।
विराटनगर – १४ गोदावारी पार्कमा शुक्रबार भव्य कार्यक्रमको आयोजना गरी पदस्थापन तथा वनभोज कार्यक्रम सम्पन्न भएको हो ।
विराटनगरमा माघ १० गते सम्पन्न भएको प्रेस सेन्टर मोरङको पाँचौ जिल्ला अधिवेशनबाट नवीन कर्णको अध्यक्षतामा १५ सदस्य समिति सर्वसम्मत चयन भएको छ ।
समितिको उपाध्यक्षमा श्रीमन्त भट्टराई, सन्दीप राई, सचिवमा अनिल श्रेष्ठ, सहसचिव राकेश कर्ण, हुसेन शेख, राजेश राजवंशी र कोषाध्यक्ष प्रेम देवान रहेका छन् ।
त्यसैगरी सदस्यहरूमा नम्रता न्यौपाने, एलिसा रायमाझी, मोहन ढकाल, माधव काफ्ले, सुरन्जन लिम्बू, जय कामत, अर्जुन लिम्बू, मर्जिना खातुन रहेका छन् ।
नवनिर्वाचित कार्यसमितिहरुलाई प्रमाणपत्र माओवादी केन्द्र मोरङका इन्चार्ज कुलबहादुर साम्बा, प्रेस सेन्टर नेपालका केन्द्रीय उपाध्यक्ष बिवेक गौतम, निर्वाचन समितिका सदस्य तथा प्रेस सेन्टर नेपाल प्रदेशका महासचिव गोकुल पराजुलीले वितरण गरेका थिए ।
