विराटनगर । मोरङमा नयाँ प्रमुख जिल्ला अधिकारी (सडिओ) का रूपमा इन्द्रदेव यादव आएका छन् ।
गृह मन्त्रालयले हालका सिडिओ प्रेमप्रसाद भट्टराईलाई सरुवा गर्दै उनको स्थानमा यादवलाई मोरङ पठाएको हो ।
भट्टराईलाई गृह मन्त्रालय वा अन्तर्गत रहनेगरी सरुवा गरिएको छ भने गृह मन्त्रालयका सहसचिव यादवलाई मोरङको सिडिओ बनाइएको हो ।
यादव गृहमन्त्रालयभन्दा अघि चितवन, इलाम र सुनसरीका प्रजिअ बनेका थिए ।
काठमाडौंसहितका प्रमुख जिल्ला अधिकारी (सीडीओ) हरूको सरुवा गरेको छ ।
काठमाडौंका सीडीओ जयनारायण आचार्यलाई गृह मन्त्रालयमा तानेर उनको सट्टा गृह मन्त्रालयका सहसचिव ऋषिराम तिवारीलाई पठाइएको छ ।
गृहले काठमाडौंसहित अन्य केही जिल्लाका सिडिओहरूको सरुवा गरेको छ ।
कैलालीका सीडीओ धर्मेन्द्र कुमार मिश्रलाई सुनसरी सरुवा गरिएको छ भने सुनसरीका सीडीओ रामचन्द्र तिवारीलाई गृहम मन्त्रालय तानिएको छ ।
झापाका सीडीओ बन्धु प्रसाद बास्तोलालाई पनि गृह मन्त्रालय वा अन्तर्गत रहनेगरी सरुवा गरिएको गृहले जनाएको छ । सर्लाहीका सीडीओ गोपाल कुमार अधिकारीलाई झापा सरुवा गरिएको छ ।
गृह मन्त्रालयका सहसचिव गोगन बहादुर हमाललाई कैलालीको सीडीओ बनाएर पठाइएको छ । गृह मन्त्रालयकै सहसचिव तुलसी बहादुर श्रेष्ठलाई कैलालीको सीडीओ बनाएर पदस्थापना गरिएको गृह मन्त्रालयले जनाएको छ ।
दाङका सीडीओ शावित्रा पुनलाई सल्यान र सल्यानका सीडीओ शम्भु प्रसाद रेग्मीलाई गृह मन्त्रालय वा अन्तर्गत रहनेगरी सरुवा गरिएको छ ।
