विराटनगर । मोरङको विराटनगर महानगरपालिका-१२ का अध्यक्ष हिरालाल कामतलाई प्रहरीले पक्राउ गरेको छ ।
बैंकिङ कसुर आराेपमा मोरङ प्रहरीले सोमबार दिउँसो उनलाई पक्राउ गरेका हो । साेमबार करिब ४ बजे उनलाई पक्राउ गरिएको मोरङ प्रहरीका प्रवक्ता डिएसपी बेदप्रसाद जोशीले जानकारी दिए ।
उनका अनुसार मोरङको जहदा गाउँपालिका ३ का वडाअध्यक्ष अनिलकुमार ठाकुरका बुबा गुरुदयानन्द ठाकुरको जाहेरीका आधारमा पक्राउ परेका हुन् ।
बैंकिङ कसुर आराेपमा मंसिर २५ गते मोरङ अदालतले पक्राउ पूर्जी जारी गरेकाे थियाे । पक्राउ पुर्जी जारी भएपछि कामतलाई प्रहरीले पक्राउ गरेको हो ।
डिएसपी जोशीका अनुसार ५ लाखको चेक बाउन्स भएपछि अदालतले पक्राउ पुर्जी जारी गरेकाे थियाे ।
