विराटनगर । चर्चित टिकटकर आयुषसिंह ठकुुरी र एलिजे जमाली टिकटकबाट एकाएक गायब भएका छन् ।
उनीहरूको आधिकारिक टिकटक एकाउन्ट अहिले देखिँदैन ।
उनीहरू आफैंले एकाउन्ट डिएक्टिभ गरेका हुन् वा टिकटकले उनीहरूको खातालाई प्रतिबन्ध लगाएको हो भन्ने खुलेको छैन ।
नेपालका ठकुरीलाई टिकटकमा १३ लाखले पछ्याएका थिए भने पाकिस्तानकी युवती जमालीलाई २२ लाखले पछ्याएका थिए ।
एलिजे र आयुष पछिल्लो समय नेपालका चर्चित टिकटकर हुन् ।
दुबईमा बसोबास गर्दै आएका यी दुईले केही महिनाअघि इन्गेजमेन्टसमेत गरेका थिए ।
गतसाता आयुषले नयाँ घर किनेको खबर सार्वजनिक भएको थियो ।
त्यसपछि उनकी आमा नानुसिंह ठकुरीसँगको विवादलाई लिएर आयुष टिकटकमा ट्रोल बनिरहेका छन् ।
सामाजिक संजाल प्रयोगकर्ताको आलोचनाको केन्द्रमा उनी छन् ।
यो पृष्ठभूमिमा उनीहरू टिकटकमा देखिन छाडेका हुन् ।
