फाइल तस्बिर विराटनगर । मोरङको विराटनगर महानगरपालिकामा कारसँग ठोक्किँदा मोटरसाइकल चालकको मृत्यु भएको छ ।
मृत्यु हुनेमा बूढीगंगा गाउँपालिका-५ बस्ने अन्दाजी ४० वर्षीय फेकुलाल सरदार रहेको मोरङ प्रहरीले जनाएको छ ।
मोरङ प्रहरी प्रवक्ता डिएसपी ज्ञानेन्द्रबहादुर बस्नेतका अनुसार बुधबार राति ९ः३५ बजेतिर विराटनगर-३ पिपलमा कारसँग मोटरसाइकल ठक्कर खाएको थियो ।
कोशी राजमार्गमा कञ्चनबारीतर्फबाट आई पूर्वतर्फ मोड्दै गरेको को१च ५१९१ नम्बरको कार र भित्री सडक
खण्डबाट कोशी राजमार्गतर्फ निस्कँदै गरेको मधेस प्रदेस-०१-००४प२७८४ नम्बरको मोटरसाइकल एक
आपसमा ठक्कर लागेको थियो ।
जसमा गम्भीर घाइते बनेका मोटरसाइकल चालक फेकुलाललाई उपचारका लागि नोबेल अस्पताल विराटनगर पुर्याइएकोमा उपचारका क्रममा राति ९:४१ बजेतिर उनको मृत्यु भएको हो ।
मृतकको शव नोबल अस्पतालमा रहेको र मोटरसाइकल ट्राफिक प्रहरी पोस्ट कञ्चनबारीमा रहेको प्रहरीले जनाएको छ ।
कार र कार चालक पथरीशनिश्चरे-१० का अन्दाजी ४६ वर्षीय जीवन कटुवाललाई जिल्ला प्रहरी कार्यालय मोरङले नियन्त्रणमा लिएको छ ।
