विराटनगर । नेपाल आउँदै गरेकी ब्राजिलियन भ्लगरलाई बलात्कार गर्ने तीन भारतीय पक्राउ परेका छन् ।
पूर्वी भारतमा भएको सो घटनामा संलग्न रहेका एक जना भने फरार रहेको भारतीय प्रहरीले जनाएको छ ।
ब्राजिलियन भ्लगर आफ्ना पतिसँग पश्चिम बंगाल राज्यबाट मोटरसाइकलमा नेपालतर्फ आउँदै गरेकी थिइन् ।
शनिबार झारखण्ड राज्यको दुम्का भन्ने स्थानमा ती भ्लगर माथि सामूहिक बलात्कार भएको थियो ।
साथै, उनीहरूले ती भ्लगरका पति आक्रमण गरेका थिए ।
झारखण्ड राज्यको दुम्का जिल्ला प्रहरी उपरीक्षक पिताम्बर सिंह खेरवारका अनुसार सो समूहको आक्रमणबाट घाइते भउका दुवैलाई अस्पताल लगिएको थियो ।
जहाँ महिलाले डाक्टरलाई आफू बलात्कृत भएको बताएकी थिइन् ।
दम्पतीले स्पेनिस भाषामा पोष्ट गरेका थिए भने महिलाले आफ्नो इन्स्टाग्राम अकाउन्टमा आफू ब्राजिलियन भएको बताएकी थिइन् ।
