विराटनगर । मोरङ विराटनगर महानगरपालिका-५ स्थित बरगाछी चोकमा सवारी दुर्घटनापछि ट्रकमा आगजनी भएको छ ।
आइतबार बिहान ट्रकको ठक्करबाट एक जना गम्भीर घाइते भएपछि स्थानीयले ट्रकमा आगजनी गरेका हुन् ।
ट्रकको ठक्करबाट २४ वर्षीय नगेश चौधरी घाइते भएका छन् । दुर्घटनापछि आक्रोशित स्थानीयले मालबाहक ट्रकमा आगजनी गरेका थिए ।
ट्रकमा लागेको आगो दमकलको सहयोगमा निभइएको मोरङका एसपी दीपक पोखरेलले बताए । दुर्घटनाबारे प्रहरीले अनुसन्धान गरिरहेको छ ।
थप विवरण आउन बाँकी रहेको छ ।
