आयुर्वेदका अनुसार अदुवा आफैँमा एक औषधिको गुण भएको मसला हो ।
अदुवामा जिङ्गेरोल, भिटामिन ‘सी’, क्रोमियम, म्याग्नेसियम तथा जिङ्क जस्ता तत्व पाइन्छ ।
अदुवाले रक्त प्रवाहलाई नियमित र सन्तुलित बनाएर रोग प्रतिरोधात्मक शक्ति बढाइ धेरैजसो रोगहरूबाट टाढा राख्ने गर्छ ।
बिहानै उठ्नेबित्तिकै धेरैजसो व्यक्तिहरू चियाका सौखिन हुन्छन् । विभिन्न प्रकारको चियाहरूमध्ये अदुवा हालेको चिया पिउँदा शरीरमा निकै फाइदा हुन्छ ।
जाडोमा मात्र खान मिल्ने भनिने अदुवाको चियालाई गर्मीमा पनि सेवन गर्न सकिन्छ । अदुवाको चियामा अलिकति कागती र मह मिसाएर पिउँदा शरीरलाई स्वस्थ राख्ने गर्छ ।
यसको सेवनले पाचन प्रक्रियालाई सक्रिय पारी ग्यास्ट्रिक, कब्जियत जस्ता पेटसम्बन्धी विभिन्न रोग लाग्न दिँदैन ।
कब्जियत हटेर जाने हुँदा अरुचिको समस्या हटाएर छिट्टै भोक लाग्ने गर्छ । यसले बारम्बार उल्टी हुने समस्यालाई समाधान गरेर पेट दुख्न दिँदैन ।
अदुवा चियाले छालालाई सफा चमकदार र चाउरी हुनबाट बचाएर जवान देखाउँछ ।
अदुवा चियाले रक्त प्रवाहलाई सन्तुलित राखी रगतमा सुगरको मात्रा नियन्त्रण गर्नुका साथै रगतमा कोलेस्ट्रोलको मात्रा कम गरी मुटुरोगको जोखिम कम गराउँछ ।
अदुवा चियाले शरीरमा ऊर्जा प्रदान गरी पुरानो रुघाखोकीलाई समेत निको पारेर घाँटीमा कफ जम्न र मुखबाट गन्ध आउन दिँदैन ।
