मानिसहरू निकै व्यस्त हुने भएका कारण व्यायाम, कसरत वा योगका लागि समय निकाल्न सकिरहेको हुँदैनन् वा दिनभरिको कामको थकाइले अल्छीसमेत भएको हुन्छ ।
शरीरलाई स्वास्थ्य र ऊर्जाका लागि कसरत गर्न समय नभएको खण्डमा दैनिक अफिस जाँदा, घर फर्किँदा, वा समान किन्न ठूला मलहरू जाँदा हिँडेर र त्यहाँ भएका लिफ्टको सट्टामा सिँढी चढ्ने गर्दा मात्र पनि शरीरलाई फाइदा पुग्छ ।
हिँड्नु र सिँढी चढ्नु भनेको पनि एक प्रकारको कसरत (एक्सरसाइज) हो ।
हिँड्दा र सिँढी चढ्दा थकाइ लग्नुका साथै श्वास फुल्न सक्छ । तर, विस्तारै गएर विस्तारै सहने शक्ति आर्जन हुन्छ र फटाफट हिँड्न र सिँढी चढ्न सजिलो हुन्छ ।
कम्मरभन्दा तलका मांसपेशी र हड्डी तन्दुरुस्त राख्न चाहनेले हिँड्न तथा सिँढी चढ्दा उत्तम हुन्छ ।
हिड्दा तथा सिंढी चढ्दा हुने गतिविधिले फाइबर र अक्सिजनको मात्रालाई सन्तुलन गरेर खुट्टाको हड्डी र मांसपेशीहरू मजबुत हुन्छ ।
हिँड्दा तथा सिँढी चढ्दा बढी मात्रामा क्यालोरी नष्ट भइ शरीरको तौल पनि घटेर जान्छ ।
शरीरको रगतमा चिनीको मात्रा कम हुनुका साथै कोलेस्टेरोल उक्त रक्तचाप तथा मधुमेहलाई नियन्त्रण गर्छ ।
त्यस्तै, दिनको ३० मिनेट हिँड्दा र १० मिनेट मात्र सिँढी चढ्ने गर्दा स्वाससम्बन्धी रोग, स्वाँस्वाँ हुने र मुटुको विभिन्न समस्याहरूमा सुधार आउँछ ।
याे पनिः
https://shabdaexpress.com/2022/03/46808/
