नेकपा माओवादी केन्द्रले अमेरिकी सहयोग परियोजना (एमसिसी)को विपक्षमा उभिने निर्णय गरेको छ ।
शेरबहादुर देउवा नेतृत्वकाे सरकारले यथास्थितिमा संशाेधन नगरी एमसिसी अघि बढाए सत्तारुढ गठबन्धन तोडिनसक्ने चेतावनी माओवादी केन्द्रले दिएको छ ।
सरकारले आज दिउँसो १ बजे बस्न लागेको प्रतिनिधिसभाको बैठकमा एमसिसी अनुमोदनका लागि पेश गर्ने तयारी गरेको छ ।
असमान शर्तहरु संशोधन नगरी एमसिसी अघि बढाउन र पेश गर्न नसकिने माओवादी केन्द्रको संसदीय दलको बैठकले निर्णय गरेको छ ।
संसदमा प्रमुख प्रतिपक्षी दल नेकपा एमालेको अवरोध कायमै रहेको बेला कुनै पनि एजेण्डा अघि बढ्न नसक्ने माओवादी केन्द्रका प्रमुख सचेतक देव गुरुङ बताउँछन् ।
