फ्रिजमा राखेपछि जुनसुकै चिज पनि ताजा रहिरहन्छ भन्ने मान्यताले मानिसहरूअरु सामान तथा तरकारीहरूका साथै धेरै अण्डा किनेर फ्रिजमा राख्ने गरेको देखिन्छ ।
अण्डालाई फ्रिजमा राख्नु अण्डाको स्वास्थ्य र मानव स्वास्थ्यका लागि उपयुक्त मानिँदैन ।
फ्रिजमा अण्डा राख्दा धेरै दिनसम्म सुरक्षित भएपनि फ्रिजको अत्यधिक चिसोले अण्डाको पौष्टिक तत्व नष्ट गर्ने गर्छ ।
फ्रिजमा राखिएका अण्डाभन्दा कोठाको तापक्रममा राखिएका अण्डाहरू बढी स्वस्थकर हुन्छन् ।
धेरै दिनसम्म फ्रिजमा राखिएको अण्डाको बोक्रामा रहेका ब्याक्टेरिया हानिकारक बन्न जान्छन् र अण्डाभित्र ब्याक्टेरिया पस्ने सम्भावना पनि धेरै हुन्छ ।
अण्डालाई फ्रिजमा राखेर फेरि सामान्य तापक्रममा राख्दा कन्डेनसेसन प्रक्रिया हुन्छ ।
कन्डेन्सेसनबाट अण्डाको बोक्रामा रहेको ब्याक्टेरियाको गति बढ्न गइ अण्डाभित्र ब्याक्टेरियाहरू उत्पन्न हुन्छ ।
अण्डालाई फ्रिजमा राख्दा यसभित्रको तापक्रममा उतारचढाव आउने गर्दा अण्डाको स्वास्थ्यमा नै समस्या उत्पन्न हुन्छ ।
अण्डालाई फ्रिजमा राख्दा अरु समान तथा तरकारीहरूका खतरनाक विषादीले कयौं प्रकारका संक्रमणका खतरा बढाइ दिन्छ । फ्रिजमा राखिएको अण्डामा छिट्टै संक्रमण हुने गर्छ ।
अण्डाको माथिल्लो भागमा फोहोर टाँसिएको छ भने त्यसले फ्रिजमा राखिएका अन्य सामानहरूमा पनि संक्रमण गर्छ । फ्रिजमा राखिएको अण्डा जमेको हुँदा यसलाई फिट्न निकै गाह्रो हुन्छ ।
फ्रिजमा राखिएको अण्डाको रंग र स्वादमा फरक हुने गर्छ ।
कोठाको तापक्रममा रहेको अण्डाको तुलनामा फ्रिजमा राखिएको अण्डा उमाल्ने गर्दा फुट्ने सम्भावना बढी हुनुका साथै अण्डाको पोषण पनि कम हुन्छ जसले शरीरलाई स्वास्थ्य राख्नुभन्दा पनि हानि गरिरहेको हुन्छ ।
