ब्रोकाउली, काउली जस्तै हुन्छ । तर, यसको रंग हरियो हुन्छ ।
काउलीको भन्दा स्वाद र वास्ना अलिक फरक हुने भएकाले सलाद र तरकारीको रूपमा ब्रोकाउली प्रयोग गरिन्छ ।
ब्रोकाउलीलाई मानव स्वास्थ्यका लागि औषधिको रूपमा लिने गरिन्छ ।
ब्रोकाउलीमा फाइबर, भिटामिन सी, भिटामिन के, आइरन, र पोटाशियमसहित धेरै पोषक तत्वहरू उच्च मात्रामा पाइन्छ ।
यसमा प्रायजसो अन्य तरकारीहरूभन्दा बढी प्रोटिन पनि पाइन्छ ।
काँचो ब्रोकाउलीमा उच्च मात्रामा पानी, कार्ब्स, प्रोटिन, र लगभग न्यून मात्रामा बोसो समावेश भएको हुन्छ ।
विभिन्न अनुसन्धानका अनुसार ब्रोकाउलीको सेवनले क्यान्सरलगायतका दीर्घकालीन रोगबाट बचाउने पाइएको छ ।
सूर्यको हानिकारक किरणका कारणले छालाको क्यान्सरको जोखिम बढिरहेको छ । ब्रोकाउलीमा ‘सल्फोराफेन’ नामक तत्व पाइने भएकाले ब्रोकाउलीले हाम्रो शरीरमा क्यान्सरको विरुद्ध रोगसँग लड्ने शक्ति प्रदान गर्छ ।
सल्फोराफेनले हाम्रो शरीरमा सिर्जना हुने क्यान्सर कोषलाई कम गर्ने तथा रासायनिक रूपमा शरीरलाई सुरक्षित राख्ने वंशाणुलाई समेत प्रवद्र्धन गर्ने काम गर्छ ।
ब्रोकाउलीले छाला डढ्ने जोखिम कम गर्नुका साथै मधुमेह, कोलेस्ट्रोल, थाइराइडको समस्या, आँखाका समस्या, रगत पातलो हुने समस्याको निवारण गर्न मद्दत गर्छ ।
