चुरोट तथा रक्सीको सेवन हरेक रोगको जोखिम कारक हो भन्ने थाहा हुँदाहुँदै र यसका नकारात्मक असरको बारेमा थाहा भएर पनि फेसनको नाममा पुरुष तथा महिलाहरूले यसको सेवन गरिरहेका छन् ।
फेसनको नामबाट सुरु भएको यस्तो पदार्थको सेवन कहिले गएर बानी हुन पुग्छ र यस्ता बानीलाई तुरुन्त छुताउन निक्कै गाह्रो हुने गर्छ ।
पुरुषमा भन्दा पनि महिलाहरूलाई चुरोटको धुवाँ मात्रले पनि धेरै असर गर्ने गर्छ ।
विभिन्न क्यान्सर जस्ता दीर्घकालीन स्वास्थ्य समस्याहरू निम्त्याउनुका साथै ज्यानसमेत लिने सम्भावना हुन्छ ।
आम स्वस्थ्य महिलाहरूलाई भन्दा पनि गर्भवती महिलाहरूमा रक्सी र चुरोटले धेरै असर गरिरहेको हुन्छ ।
गर्भावस्थामा गर्भवती महिलाले रक्सी, जाँड, चुरोट, सूर्तीजन्य पदार्थको सेवन गर्नु हुँदैन र साथै गर्ने मानिसहरूको नजिक पनि बस्नु हुँदैन ।
कुनै मानिसले छेउमा बसेर चुरोट खाइरहेको धुवाँले समेत पेटको बच्चालाई असर पर्न सक्छ ।
गर्भावस्थामा यस्ता पदार्थको सेवनले गर्दा टाउको दुख्ने, तनाव हुने, गर्भपतन हुने, शिशुको वृद्धिमा विकास नहुने, कम तौल भएको बच्चा जन्मिने, मृत बच्चा जन्मिने आदिको खतरा हुन सक्छ ।
पेटमा बच्चा भएको आमाले रक्सी, चुरोट र सूर्तीजन्य पदार्थ खानाले बच्चाको अनुहारमा असर पर्ने अनुसन्धानले समेत पत्ता लगाइसकेको छ ।
गर्भवती भएको केही हप्तामा पेटमा भएको बच्चाको अनुहार बिग्रने, ओठमा समस्या आउने तथा बच्चाको कपाल नहुने सम्भावना देखा पर्न सक्छ ।
यसका साथै बच्चा तथा आमालाई सास फेर्न गाहो हुने, दम तथा स्वाससम्बन्धी समस्या सुरु हुन थाल्छ ।
गर्भअवस्थामा एक महिलाले आफू र आफ्नो गर्भमा भएको बच्चाको राम्रो विचार गर्नु जरुरी हुन्छ ।
पोषणयुक्त खानादेखि लिएर पानी तथा प्रशस्त मात्रामा आराम गर्न त्यतिकै जरुरी हुन्छ ।
समय समयमा डाक्टरकहाँ गएर जाच गराउनुका साथै आफ्नु र बच्चाको स्वास्थ्यको लागि सल्लाहअनुसार आफ्नो दिनचर्या, खानपान र ब्यायाममा निकै ध्यान दिनुपर्ने हुन्छ ।
यो पनि :
