हृदयघात अर्थात हर्टअट्याक भनेको मुटुको कुनै पनि धमनीहरूमा शतप्रतिशत अवरोध भई मुटुको मांसपेशीले काम गर्न नसक्नु र अन्त्यमा सो भागको मृत्यु हुनु हो ।
यो हृदयघात यदि मुटुको देब्रे मुख्य धमनीमा अवरोध भएमा प्राणघातक पनि हुन सक्छ भने स-साना धमनीहरूको अवरोध भएर भएको हृदयघात कहिलेकाँही मानिसलाई थाहा नहुन पनि सक्छ ।
यसैले पनि हृदयघात एक्कासि आएर ज्यान लग्ने रोगका नाममा भनेर चिनिन्छ ।
खानपानमा ध्यान नदिनु, धुम्रपान मध्यपान गर्नु र व्यायाम नगर्नु यसका मुख्य कारण रहेका छन् ।
उच्च रक्तचाप, मधुमेह र कोलेस्टेरोललाई समयमानै नियन्त्रणमा राख्न सकेमा हृदयघात कम हुनसक्छ ।
मोटोपन कम गर्ने व्यायाम नियमित गर्ने, मानसिक तनाव हुन नदिने, जीवन शैलीमा सुधार ल्याउने हो भने समयमानै यो रोगलाई नियन्त्रण गर्न सकिन्छ ।
हुदयघात हुन लागेको लक्षण हाम्रो शरीरले नै देखाउने गर्छ ।
हृदयघात हुनुभन्दा अगाडि यसको साधारण लक्षण मात्र हुन्छ ।
जब व्यायाम गर्दा, उकालो चढ्दा, भर्याङ उक्लँदा, मानसिक तनाव बढ्दा छातीको बीचमा वा देव्रेतिर भारी हुने, ढुङ्गाले थिचे जस्तो अनुभव हुने लक्षण देखा पर्छ ।
यस्तै, स्वाँ स्वाँ बढ्ने तर आराम गरे पछि सन्चो हुने र कहिले काही देव्रे हातमा वा च्यापूतिर पनि दुखाई सरेको जस्तो पनि हुनसक्छ ।
यदि यस्तो लक्षण देखा परेमा तुरून्त मुटुरोग विशेषज्ञको परामर्श लिनु जरूरी छ ।
यी सङ्केत देखिए होशियारी अपनाउनुपर्छ :
सानोतिनो काम गर्दा पनि कमजोरी अनुभव हुन थाल्यो भने मुटुमा समस्या भएको बुझ्नुपर्दछ ।
भारी काम गर्दा गल्नु स्वभाविक भएपनि जतिबेलै थकान लाग्नु गम्भीर समस्या हुन सक्छ ।
छाती निरन्तर चस्किने गर्नु पनि हृदयघातको सङ्केत हो ।
छातीमा दबाब अनुभूति हुनुे मुटुमा समस्या हुन सक्ने सङ्केत गर्छ ।
मुटुमा समस्या हुँदा शरीरमा रक्तसञ्चार सहज हुँदैन जसका कारण खुट्टा सुन्निने समस्यादेखा पर्छ ।
जसले हृदयघातको खतरा बढेको सङ्केत गर्छ ।
छातीमा निरन्तर दुखाई अनुभव हुनु वा ढाड दुख्नु पनि हृदयघात हुनुअघिको लक्षण हो ।
खाना अपच हुने वा वान्ता हुने समस्या देखिनु पनि मुटुमा समस्या भएको सङ्केत हुन सक्छ ।
कसैलाई मुटुको गम्भीर समस्या छ भने स्वासमा कठिनाइ देखिने गर्दछ ।
धड्कन बढ्नु र स्वासप्रश्वासमा समस्या देखिनु हृदयघातको लक्षण हो ।
टाउको, गर्धन, बायाँ हात निरन्तर पीडा भइरहेको छ भने पनि सो मुटुको समस्या हुन सक्छ ।
निरन्तर तनाव भएर रिङ्गटा पनि आउन थाल्यो भने सो हृदयघातको सङ्केत समेत हुने गर्छ ।
यो पनि :
