अखिल नेपाल फुटबल सङ्घ (एन्फा) ले माेरिससविरूद्धकाे दाेस्राे मैत्रीपूर्ण खेलका लागि नेपाली सुरुवाती–११ सार्वजनिक गरेकाे छ ।
नेपाली राष्ट्रिय फुटबल टिमले आज अपरान्ह ४ः४५ बाट अफ्रिकी राष्ट्र मोरिससविरुद्ध दोस्रो मैत्रीपूर्ण खेल खेल्दै छ । दशरथ रङ्गशालामा हुने खेलका लागि एन्फाले खेलाडीकाे नाम सार्वजनिक गरेकाे छ ।
सार्वजनिक गरिएकाे सूचीमा अघिल्लाे खेलका भन्दा ६ नयाँ खेलाडी मैदान उत्रने भएका छन् । ६ मध्ये राइट ब्याक नविन गुरुङ सिनियर राष्ट्रिय टाेलीबाट डेब्यू गर्ने तयारीमा छन् ।
यसअघि शनिबार भएकाे पहिलाे खेलमा नेपालले माेरिससविरूद्ध १–० गाेलान्तरकाे साँघुराे जित दर्ता गराएकाे थियाे । खेलमा नायक बन्दै फरवार्ड विमल घर्ती मगरले खेलकाे ५५औं मिनेटमा एक मात्र निर्णायक गाेल गरेका थिए ।
तर प्रशिक्षक अब्दुल्लाह अल मुताइरीले उनै मगरलाई बेन्चमा राख्दै टाेली घाेषणा गरेका छन् ।
यस्ताे छ नेपालकाे प्लेइङ इलेभेन
गोलकिपर – किरण लिम्बु
डिफेन्डर – सुजल श्रेष्ठ, दिनेश राजवंशी, नविन गुरुङ, देवेन्द्र तामाङ
मिडफिल्डर – एरिक विष्ट, तेज तामाङ, पुजन उपरकोटी
फरवार्ड – अन्जन विष्ट, आशिष लामा, दर्शन गुरुङ
