मौसम पूर्वानुमान महाशाखाले सबै नेपाली नागरिकलाई आगामी २४ घण्टासम्म चिसोबाट बच्न आवश्यक सुरक्षा र सतर्कता अपनाउन अनुरोध गरेको छ ।
केही दिनयता देशका सबैजसो स्थानको तापक्रम घटिरहेको र तराईका अधिकाशं जिल्लामा बाक्लो हुस्सु लागिरहेकाले सतर्कता अपनाउँदै सम्भावित दुर्घटनाबाट बच्न सबैलाई महाशाखाले अनुरोध गरेको हो ।
मौसम पूर्वानुमान महाशाखाले आज बिहान सार्वजनिक गरेको नेपालको हालको मौसमको अवस्थालाई मध्यनजर गर्दै साे अनुरोध गरिएको हो ।
महाशाखाका अनुसार पश्चिम तराईको मौसम अपरान्हपछि र मध्य र पूर्व तराईको मौसममा मध्यान्नपछि केही सुधार हुँदै जानेछ ।
देशका उच्च पहाडी भू–भागका केही स्थानमा हल्का हिमपातको सम्भावना रहेको महाशाखाले जनाएको छ ।
