डेनमार्कले कोभिड-१९ को बीए.२ भेरिएन्ट उच्च सङ्क्रमाक रहेको जनाएको छ ।
कोरोनाको ओमिक्रोन (बीए.१) भेरिएन्टको बीए.२ सब-भेरिएन्ट उच्च सङ्क्रमाक रहेको डेनमार्कका स्वास्थ्यमन्त्री म्यागनस हेउनिकले जानकारी दिएका हुन् ।
डेनमार्कको शीर्ष सङ्क्रामक रोग प्राधिकरण, एसएसआईका अनुसार प्रारम्भिक अध्ययनले बीए.२ सब-भेरिएन्ट ओमिक्रोन भन्दा एक दशमलव पाँच गुणा उच्च सङ्क्रामक रहेको देखएको छ ।
हाल तिव्र रुपमा फैलिरहेको ओमिक्रोन भेरिएन्ट भन्दा सङ्क्रमाक भएपन गम्भीर रहेको प्रमाण नभेटिएको हेउनिकले बताए ।
उच्च सङ्क्रामक भएपनि दुबै पभेरिएन्टले सङ्क्रमण गम्भीर भइ अस्पताल भर्ना हुनेको सङ्ख्यामा भने वृद्धि गराएको देखिएको छैन । खोप नलगाएका मानिसमा भने यसले जटिलता निम्त्याउने सङ्केत देखिएको छ ।
साथै खोपको पूर्ण डोज लगाइसकेका मानिस पनि यसबाट सङ्क्रमित हुनसक्ने जनाइएको छ । डेनमार्कमा जनवरी दोस्रो साता देखि बीए.२ सब-भेरिएन्ट व्यापक रूपमा फैलिएको रिउटर्समा उल्लेख छ ।
अहिले विश्वमा फैलिएको कोभिड-१९ को ९८ प्रतिशत बीए.१ अर्थात ओमिक्रोन भेरिएन्ट जिम्मेवार रहेको देखिएको छ । बेलायतको स्वास्थ्य सुरक्षा नियोगले बीए.२ भेरिएन्टलाई भेरिएन्ट अन्डर इन्भेस्टिगेसनको क्ष्रेणीमा राखेको छ ।
