नेपालमा पछिल्लो २४ घण्टामा आठ हजार चार सय ५४ जनामा कोरोना भाइरसको सङ्क्रमण पुष्टि भएको छ ।
१३ हजार पाँच सय ४९ जनाको पीसीआर परीक्षण गर्दा आठ हजार ५४ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
त्यस्तै, छ हजार आठ सय १० नमुनाको एन्टिजेन परीक्षण गर्दा दुई हजार आठ सय ८३ जनामा सङ्क्रमण पुष्टि भएको हो । यो कूल परीक्षणको ४१ दशमलब ५२ प्रतिशत हो ।
नेपालमा हिजो १२ हजार आठ जनामा कोरोना भाइरसको सङ्क्रमण पुष्टि भएको थियो ।
मन्त्रालयले जनाएअनुसार सो समयमा कोभिडका कारण पाँच जनाको मृत्यु भएको र चार हजार चार सय ३३ जना कोरोना सङ्क्रमणमुक्त भएका छन् ।
नेपालमा सक्रिय सङ्क्रमितको सङ्ख्या ९० हजार ६७ रहेको छ । सक्रिय सङ्क्रमितमध्ये ८८ हजार दुई सय ४८ जना घरमै होम आइसोलेसनमा बसिरहेका छन् ।
