अमेरिकी क्लब ‘फिलाडेल्फिया युनियन फुटबल क्लब’ले प्रशिक्षकका रुपमा नेपालका प्रदीप हुमागाईलाई नियुक्त गरेको छ ।
एएफसी ‘ए’ लाइसेन्स प्राप्त हुमागाईले फिलाडेल्फियाको युथ टिम सम्हाल्ने भएका छन् । पार्टटाइमा प्रशिक्षकमा रुपमा क्लबसँग आबद्ध भएका हुमागाईले गत २१ डिसेम्बरदेखि नै आफ्नो कार्यभार सम्हाल्न सुरू गरिसकेका छन् ।
नेपालमा रहँदा ‘ए’ डिभिजन क्लब थ्रीस्टार र प्रथम संस्करणको नेपाल सुपर लिगमा ललितपुर सिटी एफसीलाई प्रशिक्षण गराएका हुमागाईसँग लामो समयदेखि प्रशिक्षण गराइरहेको अनुभव छ ।
पेन्सिलभेनियामा रहेको किस्टोन एथ्लेटिक्स एकेडेमीका टेक्निल डाइरेक्टर रहेका हुमागाईलाई फिलाडेल्फिया युनियनका युवा प्राविधिक निर्देशक एन्थोनी फ्लोरेसले युथ टिमको प्रशिक्षकमा अनुबन्ध गरेका हुन् ।
सन् २००८ मा स्थापना भएको फिलाडेल्फिया क्लब अमेरिकी मेजर लिग सकर (एमएलएस)मा प्रतिस्पर्धा गर्ने २८ मध्ये एक टोली हो ।
