कोरोना भाइरसविरुद्धको खोप अवैधरूपमा बेचबिखन गरिएको पाइएमा कारबाही हुने भएको छ ।
कोभिड १९ विरुद्धको खोप सरकारले निःशुल्क लगाइरहेकाले खोप अवैधरूपमा बेचबिखन गरेको पाइएमा त्यस्ता व्यक्तिलाई कारबाही गरिने स्वास्थ्य तथा जनसङ्ख्या मन्त्रालयका सहप्रवक्ता डाक्टर समिरकुमार अधिकारीले बताएका हुन् ।
उनका अनुसार अवैधरूपमा खोप बेच्ने र किनेर लगाउने दुवैलाई प्रचलित कानुनबमोजिम कडा कारबाही हुने छ । खोप बेचबिखन भएको थाहा पाए जो कोहीले स्थानीय प्रशासन, प्रहरी कार्यालय, पालिका वा स्वास्थ्य कार्यालयमा जानकारी गराउन समेत उनले अनुरोध गरेका छन् ।
