देशभर १४ वटा जिल्ला रेड जोनमा परेका छन् ।
स्वास्थ्य तथा जनसङ्ख्या मन्त्रालयका अनुसार मोरङ, सुनसरी, झापा, धनुषा, काठमाडौँ, ललितपुर, भक्तपुर, चितवन, काभ्रे, मकवानपुर, बाँके, कास्की, रुपन्देही र कैलाली रेड जोनमा परेका हुन् ।
पाँच सय भन्दा बढी सक्रिय कोरोना सङ्क्रमित भएका जिल्लालाई सरकारले रेड जोनमा राखेको छ ।
त्यस्तै, पर्सा, बारा, महोतरी, सप्तरी, सलार्ही, सिराहा, नुवाकोट, नवलपरासी पूर्व, गोरखा, तनहुँ, स्याङ्जा, दाङ, सुर्खेत र कञ्चनपुर दुई सय बढी सक्रिय सङ्क्रमित रहेका जिल्ला हुन् ।
मन्त्रालयले शून्य सङ्क्रमित रहेका जिल्ला कुनै पनि नभएको जनाएको छ । मन्त्रालयका अनुसार नेपालमा कोरोनाका सक्रिय सङ्क्रमितको सङ्ख्या ५७ हजार तीन सय २८ पुगेको छ ।
