स्वास्थ्य तथा जनसङ्ख्या मन्त्रालयले नेपालका ७७ मध्ये नौ जिल्लालाई ‘रेड जोन’ मा वर्गीकरण गरेकाे छ ।
मन्त्रालयकाे पछिल्लाे तथ्याङ्क अनुसार ५०० भन्दा बढी सक्रिय सङ्क्रमित भएका मोरङ, सुनसरी, काठमाडौँ, ललितपुर, भक्तपुर, चितवन, कास्की, रुपन्देही र कैलाली ‘रेड जोन’ मा परेका हुन् ।
पाँच सय भन्दा बढी सक्रिय सङ्क्रमित भएका जिल्लालाई रेड जाेनमा राख्ने सरकारकाे नीति अनुसार नाै जिल्ला रेड जाेनमा वर्गीकृत भएका हुन् ।
यी नाैबाहेक झापा, धनुषा, पर्सा, मकवानपुर, काभ्रेपलाञ्चोक, नवलपरासी पूर्व, बाँके र दाङ जिल्लामा दुई सय बढी सक्रिय सङ्क्रमित छन् ।
मन्त्रालयले जनाएअनुसार नेपालका ७७ जिल्लामा हाल सक्रिय सङ्क्रमित छन् ।
