नेपालमा हालसम्म २७ जनामा कोरोना भाइरसको आमिक्रोन भेरिएन्ट पुष्टि भएको छ ।
आइबारको नियमित प्रेस ब्रिफिङमा स्वास्थ्य मन्त्रालयकी प्रवक्ता डा. सङ्गीता मिश्राले जानकारी संक्रमितकाे सङ्ख्याबारे जानकारी दिएकी हुन् । डिसेम्बरको पहिलो साता दुई जना, तेस्रो सातामा एक जना र जनवरीको पहिलो सातामा थप २४ जनामा ओमिक्रोन पुष्टी भएको हो ।
ओमिक्रोन भेरिएन्ट तीव्र रुपमा फैलिन सक्ने भएकाले यसबाट बच्न खोप लगाउने, जनस्वास्थ्यको मापदण्ड पालना गर्ने लगायतका आवश्यक सावधानी अपनाउन उनले आग्रह गरेकी छिन् । उनले ओमिक्रोनको बढ्दो सङ्क्रमणलाई ध्यानमा राखि प्रदेशहरूमा जम्मा ८५ वटा अक्सिजन प्लान्ट स्थापना भइसकेको जानकारी दिएकी छिन् ।
सङ्क्रमण भएमा तुरुन्त आइसोलेसनमा बस्न पनि प्रवक्ता मिश्रले अनुरोध गरेकी छिन् ।
