आन्तरिक उडानमा पनि कोरोना भाइरसविरुद्ध लगाइएको खोप कार्ड अनिवार्य गरिएको छ ।
देशमा कोरोना भाइरसको सङ्क्रमण बढ्दै गएपछि कोभिड १९ सङ्कट व्यवस्थापन केन्द्र (सीसीएमसी)ले आन्तरिक उडानमा समेत खोप कार्ड अनिवार्य गरेको हो । पर्यटन, संस्कृति तथा नागरिक उड्डयन मन्त्रालयले माघ ३ गते पछि आन्तरिक उडानमा खोप कार्ड हुने यात्रुलाई मात्र बोर्डिङ पास उपलब्ध गराउने व्यवस्था गरिएको छ ।
त्यस्तै, सीसीएमसीका अनुसार पूर्ण मात्रा खोप लगाएको र वोडिङ्ग पास जारी हुनु भन्दा ७२ घण्टा भित्रको पिसिआर नेगेटिभ भएको यात्रुलाई विदेशबाट नेपाल प्रवेशको लागि सम्बन्धित वायुसेवाले वोडिङ्ग पास जारी गर्ने छ ।
ओमिक्रोन भेरिएन्टको पहिलो पटक देखिएको दक्षिण अफ्रिका लगायत नौ देशहरूबाट नेपाल आउने वा ती मुलुकमा ट्रान्जिट बनाई नेपाल यात्रा गर्ने यात्रुहरूको हकमा मात्र क्वारेन्टिन तथा आईसोलेसनको व्यवस्था लागू हुनेछ ।
त्यसैगरी नेपाल प्रवेश विन्दुमा एन्टीजेन परीक्षण थप प्रभावकारी बनाउने र परीक्षणबाट पोजेटिभ आएकाहरुलाई तत्काल आइसोलेसनमा राख्न डीसीसीएमसीले समन्वयन गर्नुपर्ने र आवश्यक स्रोत सुनिश्चितताका लागि स्वास्थ्य मन्त्रालयले व्यवस्था मिलाउनुपर्ने पनि सीसीएमसीले जनाएको छ ।
