साउथका सुपरस्टार महेश बाबूलाई कोरोना भाइरसको सङ्क्रमण भएको छ ।
महेशले आफू कोरोना भाइरसबाट सङ्क्रमित भएको इन्स्टाग्राममार्फत जानकारी गराएका हुन् । उनले आफ्नो पोस्टमा आवश्यक सावधानी अपनाउँदा अपनाउँदा पनि कोरोना भाइरसको सङ्क्रमण देखिएको र आफूमा हल्का लक्षण भएको बताएका छन् । आफूसँग केही दिनदेखि सम्पर्कमा रहेका सबैलाई परीक्षण गर्न आग्रह गर्दै सबैलाई कोरोना विरुद्धको खोप लिन सल्लाह दिएका छन् ।
हाल उनी आफ्नो घरमै आइसोलेसनमा छन् ।
