चीनमा भियतनामबाट आयात गरिएको ड्रयागन फ्रुट्समा कोरोना भाइरस देखिएको छ ।
झेजियाङ र जियाङ्सी प्रान्तका कम्तिमा नौ सहरहरूमा भियतनामबाट आयात गरिएको ड्रयागन फ्रुट्समा कोरोना भाइरस देखिएको हो । ड्रयागन फ्रुट्समा कोरोना देखिएपछि ती प्रान्तका सुपरमार्केट बन्द गरिएका छन् ।
आयात गरिएका उत्पादनमा आपतकालीन जाँच गर्न सुरु गरिएको जनाइएको छ ।
खानाबाट मानिसमा कोरोना भाइरस सर्ने प्रमाण नभए पनि ड्रयागन फ्रुट्स बिक्रेतालाई क्वारेन्टिनमा बस्न निर्देशन दिइएको छ । डिसेम्बरको अन्तिम सातामा ड्रयागन फ्रुट्समा कोभिड १९ का नमुना देखिएको हो ।
त्यसपछि चीनले २६ जनवरीसम्म भियतनामबाट ड्रयागन फ्रुट्स आयात गर्न प्रतिबन्ध लगाएको थियो ।
