कर्णालीमा पुल निर्माण अलपत्र पार्ने ठेकेदारमाथि कारबाही, दुई आयोजनाको सम्झौता रद्द

शब्द एक्स्प्रेस संवाददाता
बुधबार ३ मङ्सिर, २०८३
२१ घण्टाअघि

कर्णाली प्रदेशका विभिन्न जिल्लामा निर्माणाधीन पुलहरूको काम सुस्त गतिमा अघि बढेपछि निर्माण व्यवसायीमाथि कारबाही सुरु गरिएको छ। वर्षौँसम्म काम नगर्ने तथा पटक–पटक ताकेता गर्दा पनि निर्माणमा प्रगति नदेखाउने व्यवसायीका दुई वटा पुल आयोजनाको ठेक्का सम्झौता रद्द गरिएको छ।

संघीय सडक सुपरीवेक्षण तथा अनुगमन कार्यालयअन्तर्गत पुल सेक्टर नम्बर ५ वीरेन्द्रनगर, सुर्खेतले कालिकोट–जुम्ला राजमार्गको तिला नदी पुल र सुर्खेत–अछाम जोड्ने कर्णाली नदीमाथिको जंगलाघाट पुलको ठेक्का तोडेको हो। कार्यालयका निमित्त प्रमुख देवेन्द्र भट्टराईका अनुसार लामो समयसम्म काम अघि नबढाएका र पटक–पटकको निर्देशन पालना नगरेका आयोजनाको सम्झौता अन्त्य गरिएको हो।

Advertisement

तिला नदी पुल निर्माणको काम पाँच वर्षदेखि अपेक्षित रूपमा अघि बढ्न सकेको थिएन। ८ करोड ६५ लाख ३९ हजार ६०० रुपैयाँ लागतमा निर्माण गर्ने गरी २०७७ चैत १२ गते महादेव खिम्ती निर्माण सेवा प्रालि, काठमाडौंसँग सम्झौता भएको थियो। २७ महिनाभित्र सम्पन्न गर्ने लक्ष्य राखिएको पुलको भौतिक प्रगति १० प्रतिशत र वित्तीय प्रगति ८ प्रतिशतमा सीमित रहेको कार्यालयले जनाएको छ। हालसम्म निर्माण कम्पनीलाई ८० लाख रुपैयाँ भुक्तानी गरिएको छ। कार्यालयले अब नयाँ ठेक्का प्रक्रियामार्फत निर्माण अघि बढाउने तयारी गरेको छ।

यसैगरी, सुर्खेत र अछाम जोड्ने जंगलाघाटस्थित १२० मिटर लामो पुलको पनि पुरानो ठेक्का रद्द गरिएको छ। बेतन कर्णाली जलविद्युत् आयोजनाका कारण उक्त पुल डुबानमा पर्ने अवस्था देखिएपछि नयाँ डिजाइन तयार गरी निर्माण अघि बढाउने निर्णय गरिएको कार्यालयले जनाएको छ। यसका लागि ५५ करोड रुपैयाँको स्रोत सहमति र बहुवर्षीय ठेक्का प्रक्रियाको तयारी भइरहेको छ।

यता, दैलेखको लोहोरे खोला पुल निर्माणको काम भने अघि बढिरहेको छ। २०७८ साउन ८ गते लामा कन्स्ट्रक्सन प्रालिसँग ७ करोड ५७ लाख ७० हजार ४१० रुपैयाँमा सम्झौता भएको उक्त पुलको भौतिक प्रगति ५५ प्रतिशत पुगेको छ। वित्तीय प्रगति ५२ प्रतिशत रहेको आयोजनामा हालसम्म ३ करोड ९५ लाख रुपैयाँ भुक्तानी भएको छ। पुलको माथिल्लो संरचना निर्माण सुरु भइसकेको र बाँकी काम चार महिनाभित्र सम्पन्न गर्ने निर्माण कम्पनीले प्रतिबद्धता जनाएको कार्यालयले बताएको छ।

डोल्पामा भेरी नदी, तल्लो बगर र छलगाड खोलामा निर्माण भइरहेका तीन वटा पुलको कामले पनि पछिल्लो समय गति लिएको छ। यी पुल निर्माणका लागि बाइपी–एमआर जेभी, चितवनसँग २०७९ माघ २६ गते ३६ करोड २४ लाख ८६ हजार ७०० रुपैयाँमा सम्झौता भएको थियो। ४२ महिनाभित्र सम्पन्न गर्ने लक्ष्य राखिएको आयोजनाको भौतिक प्रगति ४० प्रतिशत र वित्तीय प्रगति ३८ प्रतिशत पुगेको छ। हालसम्म निर्माण कम्पनीलाई १३ करोड ८० लाख रुपैयाँ भुक्तानी गरिएको छ।

तीनमध्ये तल्लो बगर पुलको कुल १०० मिटरमध्ये ५० मिटरको माथिल्लो संरचना निर्माण सम्पन्न भएको छ। बाँकी भागको काम सुरु गर्ने तयारी छ। ४० मिटर लामो छलगाड खोला पुलको एबटमेन्ट क्यापसम्मको काम पूरा भएको छ। तर, खडाङ्गा भेरी नदी पुलमा स्थानीय विवादका कारण निर्माण सुरु हुन सकेको छैन। विवाद समाधानका लागि कार्यालयले सम्बन्धित निकायसँग समन्वय गरिरहेको जनाएको छ।

यसका अतिरिक्त कर्णाली राजमार्ग र रत्न राजमार्गअन्तर्गत सुर्खेत तथा दैलेखका विभिन्न स्थानमा पुल मर्मत र सुधारको काम पनि भइरहेको छ। यसका लागि सागर–आर्चा जेभी, कालिकोटसँग ३ करोड ३८ लाख रुपैयाँमा सम्झौता गरिएको छ। उक्त आयोजनाको भौतिक प्रगति ४० प्रतिशत र वित्तीय प्रगति ३५ प्रतिशत पुगेको छ। हालसम्म निर्माण व्यवसायीलाई १ करोड १५ लाख रुपैयाँ भुक्तानी गरिएको कार्यालयले जनाएको छ।

कर्णालीमा करोडौँ रुपैयाँका पुल आयोजना सञ्चालनमा रहे पनि ठेकेदारको ढिलासुस्ती, स्थानीय विवाद र अन्य प्राविधिक समस्याका कारण निर्माण कार्य प्रभावित हुँदै आएको छ। कार्यालयले नियमित अनुगमनलाई तीव्रता दिँदै काममा लापरबाही गर्ने निर्माण कम्पनीको ठेक्का रद्द गर्ने प्रक्रिया अघि बढाएको जनाएको छ।

प्रकाशित समय: शनिवार १० असोज, २०८३, १४:१०:४७

सम्बन्धित खबर

नेपाल–न्युजिल्यान्ड व्यापारिक साझेदारी बलियो बनाउने नयाँ पहल, दुई संस्थाबीच समझदारी

बुधबार ३ मङ्सिर, २०८३
१७ घण्टाअघि

एक वर्षमै ७ खर्ब ६५ अर्बका नोट नष्ट गर्‍यो राष्ट्र बैंकले

बुधबार ३ मङ्सिर, २०८३
१७ घण्टाअघि

भोटेकोशी बाढीपीडितका लागि सहयोग जुट्दै, राहत कोषमा १८ अर्बभन्दा बढी मौज्दात

बुधबार ३ मङ्सिर, २०८३
१८ घण्टाअघि

एकैदिन सुनको भाउ ६ हजार ३ सय रुपैयाँले सस्तियो

बुधबार ३ मङ्सिर, २०८३
२१ घण्टाअघि

सुन प्रतितोला २ लाख ६९ हजारमा झर्‍यो, चाँदी पनि ८० रुपैयाँले सस्तियो

सोमबार १ मङ्सिर, २०८३
३ दिनअघि

सुन प्रतितोला १ हजार ५०० र चाँदी १०० रुपैयाँले सस्तियो

आईतबार ३० कार्तिक, २०८३
४ दिनअघि
दानबहादुर कार्कीलाई तत्काल आईजीपीमा पुनर्बहाली गर्न सर्वोच्चद्वारा अस्वीकार, सरकारसँग मागियो कारण
बुधबार ३ मङ्सिर, २०८३
नेपाल–न्युजिल्यान्ड व्यापारिक साझेदारी बलियो बनाउने नयाँ पहल, दुई संस्थाबीच समझदारी
बुधबार ३ मङ्सिर, २०८३
एक वर्षमै ७ खर्ब ६५ अर्बका नोट नष्ट गर्‍यो राष्ट्र बैंकले
बुधबार ३ मङ्सिर, २०८३
बाल हिंसा अन्त्य गर्न नेपालका सात प्रतिबद्धता अन्तर्राष्ट्रिय मञ्चमा प्रस्तुत
बुधबार ३ मङ्सिर, २०८३
भोटेकोशी बाढीपीडितका लागि सहयोग जुट्दै, राहत कोषमा १८ अर्बभन्दा बढी मौज्दात
बुधबार ३ मङ्सिर, २०८३
हिरासतमा राखिएको भन्दै ओलीको आक्रोश– ‘हामी किरा–फट्याङ्ग्रा हौँ?’
बुधबार ३ मङ्सिर, २०८३
कर्णालीमा पुल निर्माण अलपत्र पार्ने ठेकेदारमाथि कारबाही, दुई आयोजनाको सम्झौता रद्द
बुधबार ३ मङ्सिर, २०८३
एकैदिन सुनको भाउ ६ हजार ३ सय रुपैयाँले सस्तियो
बुधबार ३ मङ्सिर, २०८३
पढाइ र रोजगारीको प्रलोभनमा मानव बेचबिखन, नियन्त्रणका लागि कानुन समयसापेक्ष बनाउन सांसद विकको माग
मङ्गलबार २ मङ्सिर, २०८३
दूधको मूल्य बढाउन चितवनका किसानको एक साताको अल्टिमेटम, माग पूरा नभए आन्दोलन गर्ने चेतावनी
मङ्गलबार २ मङ्सिर, २०८३
अस्पताल बसेरै बित्यो डाक्टरको कारागारको समय !
शुक्रबार ५ माघ, २०८०
विराटनगरमा हनी ट्रयापको बिगबिगी : एक जनाबाटै ठगिए २५ बढी पुरुष
आईतबार ४ चैत, २०८०
‘बुढेशकाल’ मा जन्मिएका जुम्ल्याहा सन्तान अस्ताए, आफू पनि ६ घण्टा मार्वल स्टोनले थिचिए
शुक्रबार ११ फाल्गुण, २०८०
सुन्दरहरैंचाबाट पाँच लाख रुपैयाँसहित समातिइन् लागुऔषध कारोबारी सुनिता राई
बिहिबार १ चैत, २०८०
रोकिराखेको सिटी सफारीमा ठोक्किँदा मोटरसाइकल चालकको मृत्यु, पक्राउ परे सिटी चालक
बुधबार २८ चैत, २०८०
विराटनगरको पोखरिया मावि एसइई नतिजामा देशभरकै सर्वोत्कृष्ट
मङ्गलबार १५ जेठ, २०८१
कानेपोखरी : अनुमतिबिना ढोका खोलेको भन्दै अध्यक्षले गरिन् कार्यालय सहयोगीलाई निलम्बन
बुधबार १७ माघ, २०८०
मोटरसाइकल दुर्घटनामा कर्मचारीको मृत्यु, विराटनगरमा बिहीबार बिदा
बुधबार २४ माघ, २०८०
स्वास्थ्य मन्त्रालयले माग्यो करारमा कर्मचारी
बुधबार २४ माघ, २०८०
चार सय करोडको लगानीमा विराट क्यान्सर इन्स्टिच्युट सञ्चालनमा
आईतबार २१ माघ, २०८०