अब लोक सेवा आयोगका परीक्षार्थीहरूले आफ्नो प्रवेशपत्र नागरिक एपबाटै पीडिएफ ढाँचामा सजिलै डाउनलोड गर्न सक्नेछन्। यसले परीक्षा तयारी गरिरहेका विद्यार्थीहरूलाई अझ सहज बनाउने अपेक्षा गरिएको छ।
यस अपडेटमार्फत नेपाल इन्जिनियरिङ काउन्सिल को प्रमाणपत्र प्रमाणीकरण सेवा पनि नागरिक एपमै एकीकृत गरिएको छ, जसले इन्जिनियरिङ क्षेत्रमा कार्यरत व्यक्तिहरूलाई थप सुविधा दिनेछ।
त्यसैगरी, अनलाइन प्रहरी चारित्रिक प्रमाणपत्र (ओपीसीआर) का लागि आवेदन दिएका प्रयोगकर्ताले अब आफ्नो निवेदनको अवस्था (स्टाटस) ट्र्याक गर्न सक्नेछन्। साथै, यसअघि प्रहरी रिपोर्ट डाउनलोड गर्दा देखिएको प्राविधिक समस्या पनि यो अपडेटमार्फत समाधान गरिएको जानकारी दिइएको छ।
