यसअघि इजरायल–अमेरिका–इरानबीचको तनावका कारण यी देशहरूमा नेपाली श्रमिकको सुरक्षा जोखिम बढेको भन्दै सरकारले श्रम स्वीकृति तथा पुनः श्रम स्वीकृति स्थगन गरेको थियो।त्यस क्रममा १७ फागुन २०८२ को निर्णयअनुसार पश्चिम एसिया तथा खाडी मुलुकका विभिन्न देशहरूमा श्रम स्वीकृति रोकिएको थियो। पछि परिस्थितिको मूल्याङ्कन गर्दै केही देशहरूमा क्रमशः पुनः खुला गरिएको हो।
यसैबीच, ३ चैत २०८२ मा साउदी अरब, यूएई, कतार, ओमान, यमन, जोर्डन र टर्कीका लागि पुनः श्रम स्वीकृति खुला गरिसकिएको थियो। बाँकी देशहरूको पुनः श्रम स्वीकृति परराष्ट्र मन्त्रालय अन्तर्गतको ‘इमर्जेन्सी रेस्पोन्स टिम (ईआरटी)’ को सिफारिसका आधारमा खुला गरिएको मन्त्रालयले जनाएको छ।
इराकका हकमा भने ११ पुस २०८२ को निर्णयअनुसार नै प्रक्रिया अघि बढाइने र श्रम स्वीकृतिका लागि ती देशको अवस्था सामान्य बनेपछि मात्र थप निर्णय गरिने मन्त्रालयले स्पष्ट पारेको छ।
