पार्टीको केन्द्रीय अनुशासन समितिको बुधबार बसेको बैठकले पूर्व उपसभापति समेत रहेका खड्कालाई स्पष्टीकरण सोध्ने निर्णय गरेको हो।
यसअघि चैत १४ गते पार्टीको लेटरहेड दुरुपयोग गरी वक्तव्य जारी गरेको आरोपमा चैत १८ गते बसेको अनुशासन समितिको बैठकले उनलाई एकपटकका लागि सचेत गराएको थियो। तर, त्यसपछि पनि उनले चैत ३० गते पुनः आफूसँग नभएको जिम्मेवारी उल्लेख गर्दै आफू पार्टी जिम्मेवारीमै रहेको दाबी गर्दै प्रेस विज्ञप्ति जारी गरेका थिए।
उक्त कार्य पार्टीको विधान विपरीत भएको ठहर गर्दै विधान २०१७ (संशोधनसहित) को धारा ३४ उपधारा ८ (घ) बमोजिम सात दिने स्पष्टीकरण सोध्ने निर्णय गरिएको जनाइएको छ।
अनुशासन समितिको निर्णयअनुसार, नक्कली लेटरप्याड प्रयोग गरी अनाधिकृत रूपमा वक्तव्य र प्रेस विज्ञप्ति जारी गर्नु पार्टी अनुशासनविपरीत कार्य भएको ठहर गरिएको छ।
