काठमाडाैं । सर्वोच्च अदालतले पूर्वमन्त्री दिपक खड्काको बन्दी प्रत्यक्षीकरण रिटमा लिखित जवाफ मागेको छ ।
न्यायाधीशद्वय तिलप्रसाद श्रेष्ठ र शान्तिसिंह थापाको इजलासले राजश्व अनुसन्धान विभाग र ललितपुर जिल्ला अदालतबाट पक्राउ गर्नुको कारणसहित लिखित जवाफ मागेको हो ।
उनलाई गत १५ चैतमा प्रहरीले पक्राउ गरेको थियो । उनकी पत्नी विनिता थापाले गैरकानूनी रुपमा पक्राउ गरिएको भन्दै बन्दी प्रत्यक्षीकरणको रिट दायर गरेकी थिइन् । उक्त रिटमा अदालतले कारण देखाउ आदेश जारी गरेको हो ।
अर्को पेशी भोली तोक्न न्यायाधीशद्वयले आदेश गरेका छन् ।
