विराटनगर । जेनजी सहिद रसिक खतिवडाकी आमा रचना खतिवडा खत्री रास्वपाबाट समानुपातिक सांसद बनेकी छन् । रास्वपाले जेनजी आन्दोलनका क्रममा सहादत प्राप्त गरेका रसिककी आमा रचना खस आर्य महिला क्लस्टरबाट सांसद बनेकी हुन् । काभ्रे घर भएकी रचना आफ्नो छोराको न्यायका लागि भन्दै राजनीतिमा आएकी हुन् ।
जेनजी आन्दोलनको क्रममा रसिकलाई भदौ २३ गते बानेश्वरमा भएको प्रदर्शनमा छाती र पेटमा गोली लाग्दा ज्यान गएको थियो । रसिककी आमा रचनासहित खस-आर्य महिला क्लस्टरबाट १६ जना महिला रास्वपाबाट समानुपातिक सांसद बन्दैछन् ।
