काठमाडौं । राष्ट्रिय प्रजातन्त्र पार्टीका नेता कमल थापाले राष्ट्रिय स्वतन्त्र पार्टी हिन्दू राष्ट्र बनाउन संविधान संशोधनका लागि तयार भए संसदमा दुईतिहाइ बहुमत पुर्याउन आफ्नो पार्टीले सहयोग गर्ने बताएका छन्।
सामाजिक सञ्जाल फेसबुक मार्फत थापाले प्रतिनिधिसभामा दुईतिहाइ बहुमतका लागि रास्वपासँग शर्त राखेका हुन्।
उनका अनुसार बालेन शाह नेतृत्वको सम्भावित सरकारलाई संसदमा दुईतिहाइ बहुमत पुर्याउन दुई सिट कम रहेको छ।
थापाले लेखेका छन्, “यदि बालेन सरकारले नेपाललाई धार्मिक स्वतन्त्रता र समानतासहितको हिन्दू राष्ट्र बनाउने गरी संविधान संशोधन गर्न तयार हुन्छ भने राष्ट्रिय प्रजातन्त्र पार्टीका पाँच सांसदहरूको पूर्ण सहयोग रहनेछ।”
रास्वपालाई एकल रूपमा दुईतिहाइ बहुमत पुर्याउन दुई सिट अपुग रहेको अवस्थामा थापाले यस्तो प्रस्ताव सार्वजनिक गरेका हुन्।
